A letter from Jan 13th, 2022

رساله لندى المستقبليه ؛ اول شي هاي ندى ، اتمنى تكوني بخير وسعيد لمن توصل لك هذي الرساله ، اتمنى انك حققتي اللي تبغيه واتمنى انك صرتي احسن وطلعتي من مرحله عدم الشغف ، اتمنى انو وقتها خلصتي مسلسل tvd😂، وان شاء الله تكوني تخرجتي من الجامعه او باقي لك شويا وتتخرجي لمن بتوصل لك هذي الرساله بيكون عمرك صار 23 يعني جد صرتي حرمه 😂😂 امزح المهم خليني اقولك ايش صاير معيا ، انا دحين في اول سنه جامعيه وتحديداً داخله على بدايه الترم الثاني ، وكمان الترم الاول جبت درجه حلووه مره لدرجه خلتك تبكي من الفرحه ذاك اليوم وانتي في السياره المهم انا قاعده اكتبها لك وانا جالسه في كنبه في صاله في بيت جدي ان شاء الله وقتها يكون خلصتو بيتكم وسكنتو واموركم تمام ،وكمان باقي روان وندى هم صحباتك المقربات وباقي تحبون بعض ومتمسكين ببعض ، طيب بسألك هل باقي علاقتهم زي اول ؟ ، ااممم ايش كمان اوه طيب خليني اقولك على هواياتي بشوف بتغير ولا لا احب السباحه و الكتابه و القراءه و الرقص و الغنى و هوايتي برضو اتفرج على المسلسلات والافلام ومختمه نتفليكس ، انا دحين مره حيرانه ايش ادخل تخصص رياضه ولا قانون وكلها احبها واحس مره محتاره لكن وقت توصلك الرساله اكيد وقتها يكون قررت ، المهم قاعده احاول اطور نفسي في الانقليش اكثر و بحاول اطور نفسي في الاحصاء لانه صعب ورياضيات وارقام وانا ما احب مرههه بس مطره لو بدخل قانون 😭😭 + تعرفت على بنات في الجامعه ميمو و بينو وهيمو ونوسا صارت تدرس معيا في الجامعه 🥺 البنات مره طيبين وكويسين واحس مره تعلقت فيهم وحبيتهم جد ، طيب ! باقي معاك ولا لا ؟ ، يارب حليتي وقتها سالفه ملابسك المنثره على الكرسي 😂😂 ممكن وقتها اكون تخرج من جامعه عبد العزيز ولا جده مدري يمكن لاني قاعده افكر انقل لان الجامعه بعيده وكذا وغير ان شفت انو نفس المواد وكذا لقيت نفسها + اتمنى وقتها صرتي الشخص اللي انا كنت ابغاه شكلي طولت عليك يا انا 😂المهم باي تشوفي الرساله دي وانتي بأفضل حال يارب ❤️